Klabu ya Yanga kwa kushirikiana na Wadhamini Shirika la Bima la Taifa (NIC) wametangaza mchakato wa utolewaji wa tuzo ya mchezaji bora wa Yanga kwa mwezi Oktoba 2023
Meneja wa Habari na Mawasiliano klabu ya Yanga Ali Kamwe ametaja majina ya wachezaji watatu ambao watapigiwa kura na mshindi kutangazwa siku ya Jumanne
Stephane Aziz Ki, Maxi Nzengeli na Dickson Job ndio wachezaji wanaochuana kuwania tuzo ya Oktoba ambapo mshindi ataondoka na kitita chs Tsh Milioni 4. Kura zitapigwa kupitia App rasmi ya klabu ya Yanga
Kamwe amesema mchakato wa kuwapata wachezaji hao ulizingatia tathmini ya kiwango alichoonyesha kila mchezaji katika mwezi husika
"Baada ya kuingia mkataba na NIC, uongozi wa Yanga uliunda Kamati maalum ya kufanya Tathmini ya mechi zote za mwezi husika na kutupatia majina matatu ya wachezaji watakaowania tuzo ya mchezaji bora kisha sisi tumeyaleta kwa Wananchi kwa ajili ya kupigiwa kura," alisema Kamwe
Mshindi pia atakabidhiwa tuzo ya kumtambua kama mchezaji bora wa mwezi husika ambayo itatolewa na Wadhamini NIC
