Kocha Mkuu wa Yanga Miguel Gamondi amesema anakiandaa kikosi chake kikamilifu kuhakikisha wanapata ushindi katika mchezo wa ligi kuu dhidi ya Azam Fc ambao utapigwa Jumapili, Oktoba 22 katika uwanja wa Azam Complex
Gamondi amesema baada ya mechi tano za ligi kuu, sasa anafahamu hakuna mchezo mwepesi kwa Yanga kwa sababu kila timu inatamani kupata ushindi dhidi ya Yanga
"Nafahamu mchezo hautakuwa mwepesi hivyo tunapaswa kufanya maandalizi bora ili kuhakikisha tunakuwa katika kiwango bora cha ushindani"
"Kila timu inatamani kupata ushindi dhidi ya Yanga, mchezo dhidi ya Azam Fc hautakuwa tofauti"
"Nafahamu tulicheza nao Tanga kwenye Ngao ya Jamii tukapata ushindi wa mabao 2-0. Nakumbuka katika mchezo ule kipindi cha kwanza hakikuwa rahisi lakini tulikuwa bora sana kwenye kipindi cha pili na tukaweza kushinda"
"Nafikiri utakuwa mchezo mzuri kwa kila timu na mashabiki watapata burudani kwani naamini tutakuwa na nafasi ya kucheza mpira zaidi kuliko baadhi ya mechi tulizocheza karibuni," alisema Gamondi
Kikosi cha Yanga kinaendelea na maandalizi Avic Town kuelekea mchezo huo ambao Wananchi wanazihitaji alama zote tatu ili kuhakikisha wanarudi kileleni mwa msimamo
