Yanga tayari kwa mechi ya kisasi Mbeya

Msafara wa kikosi  cha Yanga ulitua mkoani Mbeya majira ya usiku kuelekea mchezo wa ligi kuu dhidi ya Ihefu Fc

Kesho Jumatano Yanga itakuwa Mbarali kumenyana na Ihefu Fc katika mchezo ambao Wananchi wataingia uwanjani wakiwa na kumbukumbu ya kipigo cha mabao 2-1 kwenye uwanja huo msimu uliopita

Licha ya kuwa na muda mfupi wa maandalizi, Meneja wa Yanga Walter Harrison amesema wametua Mbeya wakiwa na lengo moja tu, kuzisaka alama zote tatu

Walter amesema wanakabiliwa na mechi mfululizo lakini upana wa kikosi unawapa matumaini kuwa watafanya vizuri katika mechi zote

Baada ya mchezo dhidi ya Ihefu, kikosi cha Yanga kitaelekea mkoani Mwanza ambapo Oktoba 07 wanakabiliwa na mchezo dhidi ya Geita Gold