Jana timu ya Fountain Gate Princess ilishinda taji la Gates Tournament baada ya kuifunga Yanga Princess kwa mikwaju ya penalti 9-8 baada ya kumaliza dakika 90 wakifungana bao 1-1
Mashindano hayo yalikuwa na timu sita za Fountain Gate, Bunda Queens, Gets Program, Yanga Princess, Baobab Queens iliyoshika nafasi ya tatu na New Generation kutoka Zanzibar.
Timu hizo ziliwekwa kwenye makundi A na B ambapo walichuana kwa kucheza mechi mbili kila kundi kabla ya kuelekea hatua na nusu fainali na hatimaye mchezo wa fainali kuhitimishwa hapo jana
Pamoja na kuwa malengo ya Yanga Princess kushinda taji hayakutimia lakini mkufunzi wa timu hiyo Haaalubono Charles amepata muda mzuri wa kukiona kikosi chake na sasa atafanya maboresho muhimu kabla ya msimu mpya wa ligi kuu ya Wanawake kuanza
Matarajio ya Wananchi ni kuona msimu huu timu ya Wanawake inafanya vizuri kwendana na uwekezaji uliofanywa kwa timu hiyo
