Kocha Mkuu wa Yanga Miguel Gamondi amesema tuzo aliyoshinda kuwa Kocha bora wa Ligi Kuu kwa mwezi August 2023 ni matunda ya kazi nzuri inayofanywa na wachezaji wake uwanjani
Gamondi alishinda tuzo hiyo ya kwanza msimu huu baada ya kuingoza Yanga kushinda mechi mbili za ligi kuu huku Wananchi wakifunga mabao 10
Tuzo ya mchezaji bora wa mwezi August pia ilichukuliwa na mchezaji wa Yanga, Maxi Mpia Nzengeli
Gamondi amewapongeza wachezaji kwa kufanya kile wanachoelekezwa kwa usahihi, tuzo hiyo ni matokeo ya kazi yao nzuri uwanjani
"Kwanza nawashukuru watu wote waliohusika katika kuhakikisha Yanga inapata matokeo mazuri mwezi Agosti, 2023 na hatimaye mimi kuchaguliwa kuwa Kocha Bora wa mwezi"
"Nawapongeza wachezaji kwa kutekeleza vyema majukumu yao, sisi kama makocha sio chochote bila wachezaji," alisema Gamondi
Gamondi ameanza vyema majukumu yake katika kikosi cha Yanga mapema tu akijihakikishia ufalme wake mbele ya mashabiki kutokana na kandanda safi inayotandzwa na timu yake
Baada ya Nasreddine Nabi kuondoka, wapo waliokuwa na mashaka kama Yanga ingeweza kubaki na uimara wake kama ilivyofanya misimu miwili ya Nabi
Hata hivyo ni kama Yanga ya Gamondi imekuwa bora zaidi kuliko ile ya Nabi
