Kocha Mkuu wa Yanga Miguel Gamondi anaamini uzoefu ambao wachezaji wa Yanga waliupata kwenye michuano ya kombe la Shirikisho barani Afrika msimu uliopita, utakuwa muhimu katika mchezo wa kuwania tiketi ya kufuzu hatua ya makundi ligi ya mabingwa dhidi ya Al Merrikh
Jumamosi Septemba 16 Yanga itakuwa Rwanda kumenyana na Al Merrikh katika mchezo wa mkondo wa kwanza utakaopigwa uwanja wa Pele, Kigali
Msimu uliopita Yanga ilicheza fainali ya kombe la Shirikisho ikikosa ubingwa kwa mujibu wa kanuni licha ya kulazimisha sare ya mabao 2-2 dhidi ya USM Alger katika mechi mbili za fainali
Zaidi ya robo tatu ya wachezaji walioipa Yanga mafanikio msimu uliopita bado wapo, Gamondi anaamini nyota hao pamoja na wengine waliosajiliwa wanafahamu nini wanapaswa kufanya
"Tuna bahati kuwa na wachezaji ambao mbali na ubora walionao na pia ni wazoefu wa michuano ya CAF, hilo halina shaka kwa namna wanavyoutamani mchezo wa El Merreikh"
"Tayari nimetoa maelekezo Kwa wachezaji wote kuhusu mambo ya kufanya ndani ya uwanja, hivyo kazi imebaki kwao kwenda kupambana ili washinde ugenini"
"Al Merreikh sio wepesi na hatujaichukulia Kwa dharau tunajua tunaenda kushindana na timu ambayo pia inahitaji nafasi ya kusonga mbele kwenye michuano hii, nasi pia tunaenda kushindana ili kuweza kufikia lengo ndio maana nasema tutajuana huko huko kabla ya kurudiana hapa nyumbani," alisema Gamondi
