Kiungo mshambuliaji wa Yanga Maxi Nzengeli amesema pamoja na kuwa na uwezo wa kutumika katika maeneo tofauti ndani ya uwanja, anafurahia akitumika kama kiungo
Maxi amekuwa mchezaji muhimu katika kikosi cha Kocha Miguel Gamondi ambapo katika mechi tatu zilizopita Mcongomani huyo amefunga mabao manne na kutoa pasi tatu za mabao
Maxi amesema anamudu kucheza eneo lolote ambalo kocha atampanga lakini hufurahia zaidi anapocheza eneo la kiungo
"Mimi naweza kucheza popote pale kocha anataka nicheze lakini nafurahia sana ninapocheza eneo la kiungo," alisema Maxi
Aidha Maxi amesema anafurahia maisha ya Tanzania na zaidi anafurahia maisha yake ndani ya kikosi cha Yanga, anapata ushirikiano kutoka kwa wachezaji wenzake na mashabiki ambao wamekuwa chachu kubwa ya timu kufanya vizuri
Maxi amekuwa mchezaji kipenzi cha mashabiki kutokana na tabia yake ya kujituma sana uwanjani pengine ndiye mchezaji anayekimbia kilomita nyingi zaidi katika mechi
