Burudani ya Aziz Ki inaendelea leo

Kiungo mshambuliaji wa Yanga Stephane Aziz Ki kwa mara nyingine leo anatarajiwa kuwaongoza Wananchi katika mchezo wa ligi kuu dhidi ya JKT Tanzania

Mchezo huo utapigwa saa 1 usiku katika uwanja wa Azam Complex

Aziz Ki ni kama amezaliwa upya msimu huu akihusika kwenye kila ushindi ambao Yanga wamepata

Anafunga, anatoa pasi za mabao lakini pia anatoa burudani kwa mashabiki

Huenda JKT Tanzania wakakumbana na kile walichokumbana nacho KMC hasa kama Kocha Miguel Gamondi atawatumia pamoja Aziz Ki, Maxi Nzengeli na Pacome Zouzoua 'Zizou'

Aziz Ki yuko fit, imara na tayari kutumika dakika zote 90 za mchezo

Mwenyewe anasema msimu wake wa kwanza hakufanya kile ambacho Wananchi walihitaji kutoka kwake, sasa msimu huu amepania kuwapa furaha