Katika mechi sita ambazo Yanga wamecheza msimu huu chini ya Kocha Miguel Gamondi kuna utofauti mkubwa wa uchezaji umeonekana
Yanga ilianza taratibu lakini kasi imeendelea kuongezeka kutoka mchezo mmoja hadi mwingine
Yanga ya Gamondi sio tu inakupigia mpira mwingi, lakini pia haikupi nafasi ya kucheza na ukikaa vibaya utaokota sana mipira katika nyavu zako
Katika mechi mbili zilizopita, mabao 10 yamefungwa, KMC alipigwa mkono na jana Asas Fc akapigwa mkono mwingine
Katika mechi sita Yanga imeruhusu bao moja tu ndani ya dakika 90. Bao hilo lilifungwa jana kwenye mchezo dhidi ya Asas Fc kwa mkwaju wa penati baada ya Zawadi Mauya kufanya madhambi ndani ya eneo la hatari
Gamondi alichukizwa na timu yake kuruhusu bao hilo, akibainisha kuwa wanafanya kazi kubwa katika kiwanja cha mazoezi kuhakikisha wapinzani wao hawafungi
Wachezaji wote wa Yanga wameiva, anayecheza ni moto na aliyebenchi pia ni moto
Iko siku Gamondi anaweza kumpa kazi kocha wa timu pinzani achague mwenyewe kikosi cha kucheza nacho na bado akakutana na adhabu kali ndani ya dakika 90
Yanga ya Nasreddine Nabi ilikuwa bora lakini hii ya Gamondi kuna kitu zaidi kimeongezeka kwani wachezaji wako tayari kukimbia kwa dakika zote 90
