Droo ya Makundi CAF na mtoano Shirikisho ni Jumatano

Baada ya kukamilika kwa raundi ya kwanza ya michuano ya ligi ya mabingwa barani Afrika tayari timu 16 zilizotinga hatua ya makundi zimepatikana.

Keshokutwa Jumatano, March 21 Droo ya makundi itafanyika jiji la Cairo nchini Misri ambapo timu zitapangwa kwenye makundi manne ya timu nne nne.

Hizi hapa timu zilizofuzu



Pia sambamba na droo ya makundi ya ligi ya mabingwa, droo ya mtoano kusaka timu 16 zitakazotinga hatua ya makundi ya kombe la shirikisho barani Afrika itafanyika.

Droo hiyo itahusisha timu 16 zilizotolewa kwenye raundi ya kwanza ya michuano ya ligi ya mabingwa na 16 zilizofuzu kwenye raundi ya kwanza ya kombe la Shirikisho.

Yanga ya Tanzania ni miongoni mwa timu zilizotolewa kwenye raundi ya kwanza ya ligi ya mabingwa hivyo itapangiwa mpinzani wake kutoka miongoni mwa lizizofuzu raundi ya kwanza kombe la Shirikisho.

Hizi hapa timu za mtoano



Michezo ya mtoano kwa ajili ya makundi ya kombe la Shirikisho itapigwa kati ya April 06-08 huku ya marudio ikitarajiwa kupigwa siku 10 baadae.

Timu kutoka ligi ya mabingwa zitaanzia nyumbani.