Kwa kulingana na mabadiliko ya sheria katika upigaji wa mikwaju ya penati, magolikipa wamewekewa sheria kuwa hawaruhusiwi kutoa miguu yote golini kabla ya mpira haujapigwa
Hii sheria imewekewa mkazo sana na mara nyingi tunaona kabla ya penati kupigwa, waamuzi huwafuata magolikipa kuwakumbusha na kuwaonya kwani kutoa miguu yote kabla ya mpira kupigwa ni kosa na wanaweza kuadhibiwa kwa kupewa kadi ya njano
Jana mlinda lango wa Simba Ally Salim katika penati zote za wachezaji wa Yanga alizodaka aliondoka golini mapema kabla ya wapigaji
Kama waamuzi wangekuwa makini, ilipaswa kurudiwa lakini cha kustaajabisha hakuna aliyejali
Nafikiri kuna mahali haki haikutendeka kwa wachezaji wale ambao penati zao zilidakwa pasipo sheria kufuatwa, ilipaswa zirudiwe
Lilikuwa jukumu la waamuzi kuwa makini, walishindwa kutimiza wajibu wao
