Mshambuliaji wa Yanga Lazarus Kambole ataendelea kuitumikia Zesco United kwa mkopo hadi mwishoni mwa msimu ujao, imefahamika
Awali Yanga ilimtoa Kambole kwa mkopo wa miezi sita, mkopo huo umemalizika lakini makubaliano yamefikiwa kwa Kambole kuendelea kuitumikia Zesco hadi mkataba wake na Yanga utakapomalizika
Yanga ilimsajili Kambole kutoka Kaizer Chiefs msimu uliopita hata hivyo alishindwa kuwatumikia Wananchi kutokana na changamoto ya majeraha iliyokuwa ikimsumbua
Nafasi yake ilichukuliwa na Tuisila Kisinda ambaye alitua Yanga kwa mkopo wa msimu mzima kutoka klabu ya RS Berkane huku Kambole akitolewa kwa mkopo wa miezi sita kunako klabu ya Wakiso Giants ya Uganda
Baada ya mkopo huo kumalizika, mwezi Januari 2023 Yanga ikampeleka tena kwa mkopo Zesco United ambako sasa atamaliza mkataba wa mwaka mmoja uliosalia
