Yanga inatajwa kuwa mbioni kukamilisha usajili wa mlinzi wa kulia wa Asec Mimosas Yao Kouassi Attohoula (26)
Kwa walioifuatilia Asec Mimosas katika michuano ya kombe la Shirikisho msimu uliopita, lazima wamfahamu huyu mwamba
Mahiri katika ulinzi na hatari katika kusukuma mashambulizi kwa timu pinzani. Anavyocheza beki namba 2 unaweza kudhani ni winga lakini pia anamudu kucheza nafasi hiyo
Alikuwa miongoni mwa silaha muhimu zilizoisaidia Asec Mimosas kucheza nusu fainali ya kombe la Shirikisho ambapo walitolewa na USM Alger ambao waliibuka mabingwa kwa ushindi wa bao la ugenini dhidi ya Yanga
Yao yalikuwa mapendekezo ya kocha aliyeondoka Yanga, Nasreddine Nabi ambaye aliweka bayana kutoridhishwa na kiwango cha Djuma Shabani 'Soldier ya Bemba' ambaye mechi nyingi za mwishoni mwa msimu uliopita alimpisha Dickson Job katika nafasi yake
Kumekuwa na taarifa kuwa Djuma anawindwa na klabu ya TP Mazembe, ni wazi kama Yanga itamsajili Yao, huo utakuwa mwisho wa Djuma na Yanga
