Jana kwenye Mkutano Mkuu wa Wanachama, uongozi wa Yanga ulitangaza rasmi jezi za msimu ujao 2023/24 ziko tayari kinachosubiriwa ni uzinduzi rasmi
Aidha, wakati huu Yanga imekuja na utaratibu tofauti wa usambazaji ili kuhakikisha jezi zinapotoka, zinawafikia Wananchi kwa haraka
Fursa imetolewa kwa viongozi wa Matawi nchini nzima kuweka oda ya jezi ambapo kiwango cha chini ni nakala 120
Hii inamaana Wanachama wanaweza kujipatia jezi zao katika Matawi pale zitakapokuwa zimetoka
Viongozi wa Matawi wanapaswa kuandaa utaratibu katika Matawi yao kwa Wanachama na Mashabiki ambao wanahitaji jezi
Mawakala na Wafanyabiashara pia wanaweza kuweka oda kwa utaratibu uleule wa nakala 120 ambapo jezi zinapotoka, zitawasilishwa katika vituo vyao vya biashara
Utaratibu huu utarahisisha usambazi na upatikanaji wa jezi kwa haraka pamoja na kuondoa changamoto ya ulanguzi
