Kocha Mkuu wa Asec Mimosas Julien Chevalier anapewa nafasi ya kurithi mikoba ya Nasreddine Nabi katika kikosi cha Yanga
Chevalier anaweza kuwa na nafasi nzuri zaidi ya kumrithi Nabi kutokana na makocha hao kushabihiana aina ya soka wanalofundisha
Katika misimu miwili akiwa na Asec Mimosas, Chevalier ametwaa Ligi Kuu ya Ivory Coast mara mbili huku akiisaidia Asec kufika hatua ya makundi kombe la Shirikisho barani Afrika 2021/22
Msimu uliomalizika aliisaidia timu hiyo kufika nusu fainali ya Shirikisho ikitolewa na USM Alger ambao ndio mabingwa wakibebwa na kanuni kuishinda Yanga
Kocha huyo raia wa Ufaransa ni muumini soka la pasi fupi fupi (tiki-taka), mkataba wake na Asec unamalizika mwishoni mwa mwezi huu, Juni 30
Huyu ndiye kocha aliyemfanya Stephane Aziz Ki kuwa staa pale Asec kabla ya Yanga kumuona na kumsajili msimu uliopita
Yanga inatarajiwa kumtangaza kocha mkuu kabla ya mwezi huu kumalizika, ataanza majukumu yake mwanzoni mwa mwezi ujao wakati wa pre-season
