Katika kuhakikisha Yanga inafanya vizuri kwenye mchezo wa marudiano kombe la Shirikisho barani Afrika dhidi ya USM Alger, uongozi wa timu hiyo umeweka mikakati ya kukwepa hujuma zote wakiwa Algeria
Kikosi cha Yanga kinatarajia kuondoka nchini kesho kuelekea Algers kwenye mchezo wa pili wa fainali ya kombe la Shirikisho Afrika dhidi ya USM Alger ambao utapigwa Jumamosi, Juni 03 katika uwanja wa July 05
Tayari Yanga imetanguliza maafisa wake mapema nchini Algeria ili kuhakikisha timu itakapowasili haikabiliwi na changamoto zozote za nje ya uwanja
Yanga wanatarajia itaondoka nchini na ndege waliyopewa na Rais Dk Samia Suluhu Hassan ambayo itakaa kuwasubiri baada ya mechi kuwarudisha nchini.
Mabingwa hao wa Tanzania Bara kwa msimu wa pili mfululizo wanahitaji ushindi wa kuanzia mabao mawili ili kuweka historia ya kuwa timu ya kwanza Tanzania kutwaa kombe la Shirikisho (CAF CC)
