Kikosi cha Yanga kinaendelea na mazoezi Avic Town kujiandaa na mchezo wa marudiano fainali ya kombe la Shirikisho barani Afrika dhidi ya USM Alger ambao utapigwa Jumamosi, Juni 03 huko Algeria
Yanga inajifua huku ikifahamu inahitaji kuibuka na ushindi wa angalau mabao 2-0 huko ugenini ili kutwaa ubingwa wa CAF CC
Habari njema kwa Yanga wakati huu, safari yao itakuwa moja kwa moja na ndege ya ATCL
Ile changamoto ya kuunganisha ndege kutoka nchi moja kwenda nyingine haitakuwepo baada ya Rais wa Jamhuri ya Muungano wa Tanzania Dk Samia Suluhu Hassan kutoa ndege hiyo ambayo itabeba wachezaji, viongozi na mashabiki
Yanga huenda ikaondoka nchini mapema Alhamisi na timu itaondoka Algeria kurejea Tanzania baada ya mchezo dhidi ya USM Alger utakaopigwa siku ya Jumamosi, saa 4 usiku
