Afisa Habari wa Yanga Ali Kamwe amesema zoezi la mauzo ya tiketi linakaribia kuhitimishwa akiwataka wale ambao hawana tiketi wanunue leo
Kamwe amesema asilimia 80 ya tiketi zimenunuliwa na pengine leo zoezi hilo litahitimishwa
"Mpaka sasa asilimia 80 ya tiketi zote za mchezo zimenunuliwa, zimebaki tiketi chache tu ambazo pengine mpaka kufika jioni zitakuwa zimemalizika. Bado unaweza kujipatika tiketi yako katika vituo vilivyotangazwa"
"Kuhusu tiketi zilizotolewa na Mh Rais Dk Samia Suluhu Hassan pamoja na wadau wengine, uongozi utatangaza utaratibu wa ugawaji wa tiketi hizo"
"Kesho (Jumamosi) baada ya jogging, Rais wa Yanga Injinia Hersi Said pamoja na Sekretarieti, watazungumza na Wanahabari kutangaza utaratibu wa kupata tiketi"
"Ni lazima kila shabiki atakayeingia uwanjani awe na tiketi, na utaratibu ulioandaliwa utahakikisha shabiki anayepewa tiketi anakwenda uwanjani," alisema Kamwe
Aidha Kamwe amewataka Wananchi kujitokeza kwa wingi leo Mbagala Zakiem kwenye shangwe ya fainali, tukio litakaloanza saa 6 mchana
