Mlinzi wa Yanga Dickson Job amesema ni ndoto ya kila mchezaji kucheza fainali ya mashindano ya CAF hivyo hiyo ni nafasi kwao, watapambana kuhakikisha wanaibuka na ushindi na kuwa mabingwa wa kombe la Shirikisho barani Afrika
Jumapili May 28 Yanga itashuka uwanja wa Benjamin Mkapa kuikabili USM Alger katika mchezo wa fainali kombe la Shirikisho barani Afrika
Job amesema wameendelea vyema na maandalizi yao akiwataka mashabiki wa Yanga na Watanzania kujitokeza kwa wingi uwanja wa Benjamin Mkapa siku ya Jumapili ili kuwapa sapoti
"Walimu wameleta mfumo ambao tutahitaji kuutumia katika mchezo huo. Sisi kama wachezaji tumeupokea na tutahakikisha tunautimiza kwa asilimia 100 ili tuweze kushinda mchezo huo"
"Tutapambana kwa asilimia 100 ili kupata matokeo mazuri katika mchezo huo wa mkondo wa kwanza katika uwanja wetu wa nyumbani"
"Kikubwa niwaombe Wananchi na Watanzania wote waje kwa wingi kutuunga mkono katika mchezo huo. Tunawaahidi tutawapa furaha," alisema Job
