Ibrahim Ajib aka 'Mzee wa makorokoro'

Kwa tathmini rahisi tu, Ibrahim Ajib 'Mzee wa makorokoro' ndiye anapaswa kuwa nyota wa mchezo leo baada ya kuisaidia Yanga kwa kiasi kikubwa kuibuka na ushindi wa mabao 3-0 dhidi ya Kagera Sugar.

Baada ya ukame wa mabao kwa muda mrefu katika ligi, Ajib leo amefunga bao lake la sita msimu huu huku pia pasi yake murua ikizaa bao la pili la Yanga.

Ajib ndiye aliyekuwa akiisumbua sana ngome ya Kagera Sugar. Hakika kwa sasa ndiye mchezaji mahiri zaidi katika kupiga pasi za mabao.

Kiwango chake katika klabu ya Yanga, kimewafanya mashabiki wamsahau kwa haraka sana Haruna Niyonzima aliyetimkia Simba.