Klabu ya Yanga imeingia mkataba na kampuni ya Berger inayotengeneza rangi za Robbialac ambayo imeingia ushirika na watakuwa na jukumu la kupaka rangi jengo la makao makuu ya klabu hiyo 'Jangwani'
Pia Robbialac itatoa punguzo za bidhaa zao kwa mashabiki wa Yanga wenye kati za Uanachama
"Katika kutekeleza ahadi ya Rais wa Yanga Eng Hersi Said ya kuboresha Miundombinu ya Klabu, leo tunaitangaza kampuni ya Berger inayotengeneza rangi za Robbialac kama mshirika wetu ambaye atafanya kazi ya kupaka rangi jengo letu hapa Makao Makuu ya Yanga, Jangwani"
"Pia ni fursa kwa mashabiki wa Yanga wenye kadi ya mwanachama au Shabiki wa Yanga watapata punguzo la bidhaa za Robbialac," alisema Mfikirwa
Nae Mkurugenzi Mtendaji wa Berger Salim Bharwan amesema wanafurahi kufanya kazi na Yanga inayofanya vizuri ndani na nje ya nchi
"Tunaamini Yanga imekuwa ikifanya vizuri ndani na nje ya nchi, tunayo furaha kufanya kazi nao sisi kama kampuni ya Berger paints na tunayofuraha kuzindua kampeni yetu iitwayo MWAGA RANGI UIPENDAYO, na kipekee kabisa tunayo Slogan nyingine ya MWAGA RANGI NA YANGA," alisema Bharwan
