Ni siku moja imesalia kuelekea mchezo wa mkondo wa kwanza nusu fainali kombe la Shirikisho barani Afrika dhidi ya Marumo Gallanst
Mkakati wa Yanga ni kuibuka na ushindi kwenye mchezo huo ambao utapigwa Jumatano, May 10 katika uwanja wa Benjamin Mkapa
Tayari Yanga imeandika rekodi kwa kuwa timu ya kwanza Tanzania kutinga nusu fainali ya michuano ya kombe la Shirikisho barani Afrika
Kutokana na ubora wa kikosi cha Yanga msimu huu, nusu fainali haitoshi, Wananchi wanalitaka kombe lenyewe. Rais wa Yanga Injinia Hersi Said amesema INAWEZEKANA kuwa mabingwa
Mkakati wa kutinga fainali unaanzia nyumbani kwa kuhakikisha Yanga inapata ushindi mnono dhidi ya Marumo Gallants
Afisa Habari wa Yanga Ali Kamwe amewataka Wananchi kununua tiketi zao mapema ili kuwa sehemu ya historia inayokwenda kuandikwa siku ya Jumatano
OUR TEAM, OUR TIME ni kauli mbiu maalum kuelekea mchezo huo
