Kocha Mkuu wa Yanga Nasreddine Nabi amewahamasisha Wananchi kujitokeza kwa wingi uwanja wa Benjamin Mkapa kesho Jumapili katika mchezo wa mkondo wa pili robo fainali ya kombe la Shirikisho dhidi ya Rivers United
Timu yake ikiwa mbele kwa mabao 2-0 ukiwa ni ushindi uliopatikana katika mchezo wa mkondo wa kwanza, Nabi amewahakikishia Wananchi watapata burudani kutoka kwa timu yao kwani hawaendi kusaka nusu fainali kwa kupaki basi
"Utakuwa mchezo mzuri ambao tutacheza kwa malengo, tukifahamu aina ya matokeo ambayo tunayahitaji ili tusonge mbele"
"hatutakaa nyuma kuzuia tu, bali tutaweka uwiano mzuri baina ya kushambulia na kuzuia. Hatuwezi kuweka hadharani kila kitu lakini tumejipanga kuwapa furaha mashabiki wetu kwa mchezo mzuri ambao utaambatana na ushindi," alisema Nabi
Katika hatua nyingine, Afisa Habari wa Yanga Ali Kamwe amesema ipo changamoto ya kununua tiketi kwa wale wanaonunua kupitia mitandao ya simu
Kamwe amesema ni vyema mashabiki wakawa na utamaduni wa kununua tiketi mapema ili kuepuka changamoto za aina hiyo
Kamwe amewataka mashabiki waliokumbwa na changamoto hiyo kutembelea vituo vilivyotangazwa kununua tiketi
