Rais Samia Suluhu Hassan ameongeza hamasa kwa timu za Simba na Yanga zinazoshiriki mashindano ya CAF akiongeza dau kwa kila bao litakalofungwa hatua ya nusu fainali kutoka Tsh Sh5 milioni hadi Sh10 milioni
Mabao yatakayolipwa ni yale yatakalofungwa ndani ya dakika 90 au 120 za mchezo na sio yatakayopatina kwenye mikwaju ya penalti baada ya mchezo kuisha ili kumpata mshindi.
Msemaji Mkuu wa Serikali, Gerson Msigwa amesema Rais Samia amezitakia kheri Yanga na Simba kuhakikisha zinapambana ili kuendelea kupata mafanikio katika mashindano hayo ya CAF
"Rais Samia Suluhu Hassan anazitakia kila la kheri Simba na Yanga na amewataka wachezaji kujituma uwanjani na kutumia maarifa yao yote kuhakikisha wanashinda michezo ya kukamilisha robo fainali ili wafanikiwe kuingia nusu fainali ambapo kila goli litakuwa Sh10 milioni," alisema Msigwa
