Yanga kambini kuiwinda TP Mazembe

Kikosi cha Yanga leo kinatarajiwa kuingia kambini kwa ajili ya kukamilisha maandalizi ya mchezo wa kombe la Shirikisho dhidi ya TP Mazembe

Mchezo huo wa kuhitimisha hatua ya makundi, utapigwa April 02 kunako uwanja wa TP Mazembe huko Lubumbashi, DR Congo

Afisa Habari wa Yanga Ali Kamwe amesema wachezaji walikuwa wakifanya mazoezi na kurejea makwao lakini leo wanaingia rasmi kambini Avic Town

Yanga itaondoka nchini Alhamisi March 30 ambapo wachezaji ambao wako kwenye majukumu ya timu za Taifa wataungana na wenzao kabla ya safari huku baadhi yao wakiungana na timu hukohuko DR Congo

Yanga imejipanga kushinda mchezo dhidi ya TP Mazembe ili kuhakikisha inasalia kileleni mwa kundi D