Kocha Mkuu wa Yanga Nasreddine Nabi ameeleza kufurahishwa na maendeleo ya mshambuliaji wake kinda Clement Mzize
Mzize aliyepandishwa kikosi cha kwanza mwanzoni mwa msimu huu, amekuwa na mwenendo mzuri wa kupachika mabao akiweka kambani mabao tisa katika mashindano yote
Nabi amesema kiwango cha Mzize kinazidi kukua siku hadi siku na ana imani kama ataendelea kujituma atafanya mambo makubwa zaidi
"Kadri ninavyompa dakika za kucheza ndivyo kiwango chake kinazidi kukua siku hadi siku. Kikubwa akijengeka kujiamini atafanya mambo makubwa zaidi kwani soka linahitaji ushindani, nidhamu na kujituma"
"Pia maarifa yake ya kazi yatazidi kuongezeka maana atajifunza mbele ya wengine ili kuboresha kiwango chake," alisema Nabi
Mwenyewe Mzize amesema anafurahi kucheza na washambuliaji mahiri kama Fiston Mayele na Kennedy Musonda akijifunza mambo mengi kutoka kwao
