Kocha Mkuu wa Yanga Nasreddine Nabi amesema alilazimika kufanya mabadiliko ya kimbinu wakati wa mapumziko baada ya timu kupoteza muundo wake hasa baada ya kufunga bao la kuongoza
Nabi alitoa ufafanuzi huo baada ya sub ya Stephane Aziz Ki ambaye alitoka na nafasi yake kuchukuliwa na Khalid Aucho
"Tumepata matokeo mazuri tofauti na mechi iliyopita. Tunafurahia kama timu tumepambana kupata ushindi huu"
"Tumecheza na timu nzuri, kipindi cha pili ilibidi tubadilike, na tukacheza vizuri na mmeona tumepata ushindi"
"Sote tunafahamu uwezo na ubora wa Aziz Ki ila changamoto ni nidhamu ya kimbinu (tactical discpline) baada ya kufunga bao tulipoteza Kiungo chetu kwakuwa alikuwa hashuki kusaidia (track back) na sio yeye tu hata Mawinga hivyo ililazimu kuwatoa kurekebisha," alisema Nabi
Kuingia kwa Khalid Aucho na Jesus Moloko kulibadili taswira ya mchezo Yanga ikitawala safu ya kiungo pamoja na kutengeneza mashambulizi zaidi
Kuhusu changamoto ya kukosa mikwaju ya penati, Nabi amesema jambo hilo hawalifurahii na anaamini wachezaji watafanyia kazi
