Leo Alhamisi, March 02 saa 8 mchana klabu ya Yanga itazindua hamasa kuelekea mchezo wa kombe la Shirikisho dhidi ya Real Bamako ambao utapigwa JUmatano ijayo, March 08 katika uwanja wa Benjamin Mkapa
Katika tukio hilo mashabiki watapata nafasi ya kuonana ana kwa ana na viongozi wao, kuzungumza na wachezaji pia kununua tiketi kuelekea mchezo dhidi ya Real bamako ambao Yanga inahitaji kushinda ili kufikisha alama saba ambazo zitawasogeza karibu na lengo la kufuzu robo fainali
Afisa Habari wa Yanga Ali Kamwe amewataka mashabiki na Wanachama wa timu hiyo kujongea Buguruni Chama kwa ajili ya uzinduzi huo
"Mashabiki na Wanachama waje kwa wingi katika uzinduzi huu mkubwa, tutapika ugali hapo Buguruni hivyo wasisahau kubeba sukari...!," aliweka utani Kamwe
