Yanga kutumia uwanja wa Azam Complex

Baada ya uwanja wa Benjamin Mkapa kufungwa kwa muda kutumika mechi za ndani, klabu ya Yanga imetangaza kutumia uwanja wa Azam Complex, kuwa uwanja wake wa nyumbani

Afisa Habari wa Yanga Ali Kamwe amesema mchezo wa kombe la FA dhidi ya Tanzania Prisons ambao utapigwa Ijumaa, March 03 utapigwa katika uwanja huo, saa 1 usiku

Kamwe amewataka mashabiki wa Yanga maeneo ya jirani na Chamazi kuhakikisha wanajitokeza kwa wingi kuishangilia timu yao katika mchezo huo na mechi nyingine za ligi kuu ambazo watacheza hapo

Yanga ndio mabingwa watetezi kombe la Shirikisho la Azam. Dhamira ni kuhakikisha wanatetea taji hilo kwa msimu wa pili mfululizo