Mechi ya FA dhidi ya Prisons kupigwa Machi 03

Baada ya kukamilisha majukumu ya Kimataifa kwa sare ya bao 1-1 dhidi ya Real Bamako katika mchezo wa kombe la Shirikisho barani Afrika, Ijumaa ya wiki hii Machi 03, kikosi cha Yanga kinakabiliwa na mchezo wa raundi ya nne kombe la Shirikisho la Azam (ASFC) dhidi ya Tanzania Prisons

Mchezo huo ulipangwa kupigwa uwanja wa Benjamin Mkapa lakini huenda kukawa na mabadiliko ya uwanja kufuatia ukarabati unaotarajiwa kufanywa kwenye dimba la Mkapa

Mshindi wa mechi hii atatinga robo fainali ya kombe la FA ambalo linashikiliwa na Yanga wakilitwaa msimu uliopita kwa kuifunga Coastal Union kwa mikwaju ya penati