Jioni ya leo majira ya saa 10 kwa saa za Mali (saa 1 usiku Tanzania) mabingwa wa Tanzania Yanga watashuka uwanja wa March 26 kuikabili Real Bamako katika mchezo wa tatu wa hatua ya makundi kombe la Shirikisho barani Afrika
Mechi nyingine muhimu kwa Yanga kusaka ushindi ugenini ili kuwa kwenye nafasi nzuri ya kutinga robo fainali ya michuano hiyo
Yanga iliweka kambi ya muda mfupi huko Mali kujiandaa na mchezo huo, wachezaji wakipata siku tatu za kufanya mazoezi na kuzoea hali ya hewa
Kocha Mkuu wa Yanga Nasreddine Nabi jana aliwaambia waandishi wa habari kuwa vijana wake wako tayari kusaka matokeo mazuri katika mchezo huo unaotarajiwa kuwa mgumu
Nae Afisa Habari wa Yanga Ali Kamwe amewataka mashabiki na Wanachama wa Yanga kuiombea dua timu yao iweze kuibuka na ushindi
Kamwe amesema wachezaji wote wako tayari walikamilisha mazoezi yao ya mwisho jana na hakuna mchezaji ambaye atakosa mchezo huo kwa sababu ya majeruhi
Mchezo huo utatanguliwa na mchezo wa mapema kundi D kati ya TP Mazembe dhidi ya US Monastir ambao unapigwa huko DR Congo
Kila la kheri Wananchi...!
