Winga wa Yanga Bernard Morrison amewataka mashabiki wa timu hiyo kujitokeza kwa wingi uwanja wa Benjamin Mkapa kuishangilia timu yao katika mchezo wa kombe la Shirikisho dhidi ya TP Mazembe. Mchezo huo utapigwa kuanzia saa 1 usiku
Pamoja na kutokuwa sehemu ya wachezaji watakaoshuka dimbani, Morrison amesema yuko bega kwa bega na timu katika maandalizi na matumaini yake ni makubwa leo watashinda mchezo
"Leo tuna mechi kubwa sana kwa hiyo twendeni tukutane uwanja wa Benjamin Mkapa. Wachezaji wetu wamejiandaa na wako tayari kutupa furaha siku ya leo. Jambo muhimu tunapaswa kwenda kwa wingi uwanjani kuwashangilia"
"Bahati mbaya mimi sitakuwa sehemu ya mchezo lakini niko bega kwa bega na wenzangu. Sapoti yenu ni muhimu sana leo," alisema Morrison
Morrison anasumbuliwa na majeraha ya nyama za paja ambayo amekuwa nayo kwa muda mrefu
Amesema kwa sasa amepona kwa asilimia 85 hivyo anakaribia kuanza mazoezi
