Winga Bernard Morrison anapambana na majeraha akiendelea na program maalum ya mazoezi
Morrison sio sehemu ya kikosi kilichosafiri Tunisia kwa ajili ya mchezo wa kwanza wa hatua ya makundi kombe la Shirikisho dhidi ya US Monastir ambao utapigwa Jumapili Februari 12
Nyota huyo ameweka video kwenye ukurasa wake wa mtandao wa kijamii akionyesha anavyoendelea kupambana na majeraha hayo
Taarifa ya kitabibu ya Yanga, ilibainisha kuwa Morrison ameimarika kwa asilimia 40 hivyo ataendelea na program maalum ya mazoezi kwa wiki nyingine kadhaa
Morrison anatarajiwa kurejea kikosini mwanzoni mwa mwezi April 2023
Habari njema ni kuwa atauwahi mchezo wa ligi kuu dhidi ya Simba utakaopigwa April 16
Morrison alikosa mchezo wa duru ya kwanza akitumikia adhabu ya kufungiwa mechi tatu
