Mechi dhidi ya KMC yarudi dimba la Mkapa

Mchezo wa ligi kuu kati ya KMC dhidi ya Yanga utapigwa uwanja wa Benjamin Mkapa, Februari 22

Awali KMC waliomba kwa Bodi ya ligi kupeleka mchezo huo uwanja wa Ali Hassan Mwinyi mkoani Tabora lakini ni wazi ombi lao limegonga mwamba

Mtanange huo utapigwa siku tatu baada ya mchezo wa kombe la Shirikisho dhidi ya TP Mazembe ambao utapigwa Februari 19

Yanga sasa imebakiza mechi tatu za nje ya jiji la Dar es salaam dhidi ya Singida BS, Mbeya City na Prisons

Yanga itacheza mechi nne mfululizo uwanja wa Benjamin Mkapa kabla ya kusafiri mkoani Singida kuifuata Singida BS

Kimahesabu kama Yanga itashinda mechi sita zinazofuata, itatwaa ubingwa