Yanga imeendelea kujiimarisha kileleni mwa msimamo wa ligi kuu ya NBC baada ya ushindi wa mabao 2-0 dhidi ya Namungo Fc
Dickson Job ndiye aliyeitanguliza Yanga kwa bao la kichwa kwenye dakika ya 43 akimaliza mpira wa kona kutoka kwa Djuma Shabani
Job anaungana na Kibwana Shomari, Djuma Shabani, Yannick Bangala na Bakari Nondo Mwamnyeto ambao ni walinzi waliofunga mabao msimu huu
Yanga ilikwenda mapumziko ikiwa mbele kwa bao 1-0. Kipindi cha pili Namungo walirejea wakiwa na kasi zaidi lakini kwenye dakika ya 51 Aziz Ki akafunga bao lake la tano msimu huu akitumia vyema makosa ya mlinda lango Deo Munish 'Dida'
Haikuwa bahati kwa Fiston Mayele kuongeza mabao yake kwani pamoja na jitihada zote hakufanikiwa kuweka mpira kambani
Kennedy Musonda nae alipata nafasi kadhaa lakini uimara wa Dida ulimfanya asifungue akaunti ya mabao kwenye ligi
Alama tatu muhimu zimebaki Jangwani, Wananchi wanaendelea kukaa kileleni kwa tofauti ya alama sita baad aya kufikisha alama 59
