Afisa Habari wa Yanga Ali Kamwe amesema wanahitaji kushinda mechi nane zinazofuatia kwenye ligi ili kutwaa ubingwa wa ligi kuu kwa msimu wa pili mfululizo
Kamwe amewataka mashabiki wa Yanga kuiunga mkono timu yao katika mechi zilizobaki ili kuhakikisha wanatimiza malengo yao
"Kama tutashinda mechi nane mfululizo kuanzia mchezo dhidi ya Ruvu Shooting, basi tutatwaa ubingwa. Kama tulihesabu 'unbeaten' mpaka zikafika 49, kuanzia Jumatatu tutaanza kuhesabu mechi nane zitakazotupa ubingwa"
"Tuna nafasi nzuri ya kutwaa ubingwa kwani mechi nyingi tutacheza katika uwanja wetu wa nyumbani (Benjamin Mkapa Stadium) hivyo kila shabiki wa Yanga anapaswa kuhakikisha ananunua tiketi mapema kuwapa hamasa wachezaji wetu katika mechi hizi"
"Hatupaswi kuwaachia kina Mayele na Musonda pekee, nasi tunapaswa kutimiza wajibu wetu kwa kujitokeza kwa wingi katika mechi zetu ili kuhakikisha tunatimiza jambo letu," alisema Kamwe
Hesabu ya mechi nane itaanza Jumatatu wakati Yanga itakaposhuka uwanja wa Benjamin Mkapa kuikabili Ruvu SHooting katika mchezo utakaopigwa saa 1 usiku
