Leo usiku Yanga itashuka uwanja wa Amaan kuwakabili KMKM katika mchezo wa kombe la Mapinduzi
Yanga ni mabingwa wa ligi kuu ya Tanzania Bara, wataumana na mabingwa wenzao wa Zanzibar, KMKM
KMKM wametoka kupoteza mchezo wao wa kwanza dhidi ya Singida BS wakifungwa mabao 2-0 hivyo wataingia kwenye mchezo huo wakiwa na lengo la kusaka ushindi
Aidha ushindi ambao Mlandege Fc waliupata dhidi ya Simba jana, umewapa matumaini KMKM kuwa nao wanaweza kuwaondosha Yanga kwenye michuano hiyo
Hata hivyo wanakutana na Yanga ambayo iko imara, timu ambayo sio tegemezi kwa wachezaji wachache
Kikosi cha Yanga kinachoshiriki michuano ya kombe la Mapinduzi, kinajumuisha wachezaji 13 wa kikosi cha kwanza na wachezaji 12 wa timu ya vijana U20
Kocha Msaidizi wa Yanga Said Maulid ambaye anashirikiana na Kocha Cedric Kaze kwenye michuano hiyo, amesema wako tayari kwa mchezo huo wakitua Zanzibar kusaka ubingwa
