Azam Fc nao wameingia kwenye siasa ya jezi nyeusi baada ya aliyekuwa Afisa wao wa Habari Thabit Zacharia kusema kwenye mchezo dhidi ya Yanga watavaa jezi nyeusi ili kumuenzi Mdhamini wao
Azam Fc watakuwa mwenyeji wa Yanga siku ya Jumapili katika mchezo wa ligi kuu ambao utapigwa uwanja wa Benjamin Mkapa, saa 2 usiku
Ni wazi kasi ya Yanga imewatia kiwewe hasa wanapovaa jezi nyeusi! Lakini huo ni utaratibu ambao Yanga wenyewe waliutengeneza na kuamini kuwa wakivaa jezi nyeusi hawapotezi mchezo
Lakini ukweli ni kuwa jezi nyeusi, njano na hata kijani zote ni sawa, walichotengeneza Yanga ni 'mind game' ambayo tayari imewaathiri wapinzani wake
Kuna wakati Afisa Habari wa Bodi ya Ligi alidai Yanga wanaweza kuadhibiwa kwa kuvaa jezi nyeusi katika kila mchezo pasipo kujua zipo kanuni ambazo zinasimamia utaratibu wa mavazi kwenye mechi
Yanga wanaweza kuvaa jezi yoyote miongoni mwa jezi zao walizozitambulisha katika msimu husika ili mradi tu haifanani na jezi ya mpinzani
Jumapili kama Azam Fc watavaa jezi nyeusi basi Wananchi watarudi kwenye uzi wao wa njano au kijani na soka litapigwa kama kawaida
