Simba Queens vs Yanga Princess ni Alhamisi

Mchezo wa kwanza wa watani wa jadi ligi kuu ya Wanawake msimu huu kati ya Simba Queens dhidi ya Yanga Princess utapigwa siku ya Alhamisi, Disemba 22 katika uwanja wa Benjamin Mkapa

Mchezo huo unaozikutanisha timu zenye upinzani wa asili, utapigwa kuanzia saa 11 jioni

Shirikisho la Mpira wa Miguu Tanzania (TFF), limetangaza hakutakuwa na kiingilio kushuhudia mchezo huo

Yanga Princess inayonolewa na kocha Sebastian Nkoma amepania kushinda mchezo huo kikosi kikiweka kambi Avic Town kwa ajili ya kujiandaa na mchezo huo