Nahodha wa Yanga Bakari Nondo Mwamnyeto amewataka mashabiki wa timu hiyo kujitokeza kwa wingi uwanja wa Benjamin Mkapa siku ya Jumapili Disemba 04 katika mchezo wa ligi kuu dhidi ya Tanzania Prisons
Mwamnyeto amesema wachezaji wote wamerejea mazoezini wakiwa na ari, dhamira yao ni kupata ushindi katika mchezo huo
Baada ya kupoteza mchezzo dhidi ya Ihefu Fc ambao uliwatibulia rekodi yao ya 'unbeaten', Mwamnyeto amesema wachezaji hawafikirii matokeo ya mchezo huo kwani lengo lao ni kutetea ubingwa na hivyo wanapaswa kufanya vizuri katika michezo inayofuata
"Tunaendelea vizuri na mazoezi kujiandaa na mchezo dhidi ya Prisons. Mechi iliyopita tulipoteza lakini hatujafa nguvu zaidi imetuongezea morali ya kupambana kuhakikisha tunafanya vizuri katika michezo mingine inayofuata"
"Tunawaomba mashabiki wetu waje kwa wingi siku ya Jumapili watupe sapoti kwenye mchezo dhidi ya Prisons," alisema Mwamnyeto
