Nabi afungiwa mechi tatu

Kamati ya Uendeshaji na Usimamizi wa ligi ya Bodi ya Ligi Kuu Tanzania (TPLB) katika kikao chake cha Disemba 1, ilipitia matukio mbalimbali ya ligi na kufanya maamuzi

Kocha Mkuu wa Yanga Nasreddine Nabi amefungiwa mechi tatu pamoja na faini ya Tsh 500,000/- kutokana na tukio la kurumbana na waamuzi katika mchezo wa ligi kuu kati ya Ihefu Fc dhidi ya Yanga uliopiwa Novemba 29 uwanja wa Highland Estates, Mbeya

Taarifa iliyotolewa na Bodi, imebainisha adhabu hiyo ni kwa kuzingatia kanuni ya 42:2(2.1) ya ligi kuu kuhusu udhibiti wa makocha

Katika mchezo ambao Yanga ilipoteza kwa kufungwa mabao 2-1, Nabi hakufurahishwa na matukio ya rafu waliyokuwa wakifanyiwa wachezaji wa Yanga hasa Fiston Mayele