Kiungo wa Yanga Gael Bigirimana ameruhusiwa kwenda kujiunga na timu ya Taifa ya Burundi ambayo inatarajiwa kucheza mechi ya Kimataifa ya kirafiki wiki ijayo
Bigirimana hakuwa sehemu ya kikosi cha Yanga kilichosafiri jijini Mwanza jana kikicheza na Kagera Sugar na kupata ushindi wa bao 1-0
Yeye na Stephane Aziz Ki ambaye alifungiwa mechi tatu (zimebaki 2) waliruhusiwa mapema kwenda kujiunga na timu zao za Taifa
Bigirimana amekuwa na wakati mgumu kujihakikishia nafasi kwenye kikosi cha kwanza, hatma yake na Yanga inaweza kuwa shakani dirisha dogo la usajili litakapofunguliwa mwezi ujao
Kwa sasa Kocha Mkuu wa Yanga Nasreddine Nabi anamtumia Zawadi Mauya zaidi pale Khalid Aucho anapokosekana
Mauya amekuwa katika kiwango bora jana akiwa sehemu ya kikosi kilichopambana dimba la CCM Kirumba kupata ushindi wa bao 1-0 dhidi ya Kagera Sugar
