Yanga imeendeleza rekodi ya kutopoteza mchezo katika ligi kuu ya NBC wakiichapa Kagera Sugar bao 1-0 katika mchezo mgumu uliopigwa uwanja wa CCM Kirumba
Bao la Clement Mziza katika kipindi cha kwanza lilitosha kuihakikishia Yanga ushindi huo akimalizia krosi ya Feisal Salum 'Fei Toto' kutoka upande wa kulia
Athari ya kucheza mechi mfululizo imeonekana katika mchezo huo kwani wachezaji walilazimika kufanya kazi ya ziada hasa kwenye kipindi cha pili kuweza kuondoka na alama tatu
Mlinda lango Djigui Diarra anastahili kuwa nyota wa mchezo huo akiokoa mkwaju wa penati pamoja na kuhakikisha haruhusu bao katika nyavu zake
Kocha Mkuu wa Yanga Nasreddine Nabi amesema walilazimika kufanya mabadiliko ya mbinu akitumia walinzi watano nyuma kutokana na uchovu pamoja na hali ya uwanja wa CCM Kirumba ambao ulijaa maji baada ya mvua kubwa kunyesha muda mfupi kabla ya mchezo
Ni alama tatu ngumu zenye thamani kubwa ambazo zimeirudisha Yanga kileleni mwa msimamo wa ligi
