Kikosi cha Yanga jioni ya leo majira ya saa 10 kitashuka uwanja wa CCM Kirumba kuwakabili Kagera Sugar katika mchezo wa ligi kuu ya NBC
Wananchi watashuka dimbani katika mchezo huo wakiwa bado na shangwe la kutinga makundi ya michuano ya kombe la Shirikisho barani Afrika kwa ushindi wa bao 1-0 dhidi ya Club Africain mchezo uliopigwa Tunisia Jumatano iliyopita
Kuelekea mchezo huo, Kocha Mkuu wa Yanga Nasreddine Nabi alisema wachezaji wake wako tayari kuipambania Yanga licha ya kuwa na uchovu wa nafasi ndefu kutoka Tunisia
Nabi alisema jambo muhimu kwao leo ni kuona wanashinda na kuwapa furaha mashabiki wao watakaojitokeza kwa wingi uwanja wa CCM Kirumba kuwashangilia
Yanga ilitua Mwanza juzi usiku na jana wachezaji wakapata nafasi ya kufanya mazoezi yao katika uwanja wa CCM Kirumba
Mchezo utapigwa kuanzia saa 10 jioni
