Wachezaji wa Yanga watakuwa dakika 90 muhimu za kupambana katika mchezo wa mkondo wa pili kombe la Shirikisho dhidi ya Club Africain ya Tunisia
Yanga iko nchini Tunisia ikiendelea na maandalizi ya mchezo huo wakiweka kambi nje kidogo ya mji, Sousse
Akizungumza juzi baada ya kutua Tunisia, kocha Mkuu wa Yanga Nasreddine Nabi alisema anatarajia mchezo huo ambao utapigwa Jumatano, Novemba 09 utakuwa tofauti na mchezo waliocheza jijini Dar es salaam wiki iliyopita
Katika mechi hiyo, Yanga inahitaji sare yoyote ya mabao ama ushindi ili kufuzu na kama matokeo yatakuwa suluhu, basi changamoto ya mikwaju ya penati itaamua mshindi
Nabi alisema anafahamu ubora wa Club Africain wanapocheza nyumbani hivyo amewaelekeza wachezaji wake kuwa makini ili kuhakikisha hawafungi bao mapema
"Hatutaki kuruhusu wapate bao mapema, mabeki wetu wanapaswa kuwa makini zaidi na washambuliaji wao, tunafahamu mechi yao ya mwisho nyumbani walishinda mabao 7-0 dhidi ya Kipanga.
"Katika mechi hiyo walifunguka kwa sababu wako nyumbani, ugenini hawakucheza hivyo, kwa kuwa tumeona ubora wao hatutakiwi kuwapa nafasi," alisema Nabi
Nabi alisisitiza mchezo wa siku ya Jumatano utakuwa tofauti na wamejipanga kupambana kwa ajili ya kutafuta matokeo mazuri katika mchezo huo
