Kocha wa viungo wa Yanga Helmy Gueldich amesema mlinzi wa kulia Djuma Shaban ni miongoni mwa wachezaji waliotumika sana katika kikosi cha Yanga na hata wakati yuko AS Vita
Hivi karibuni kocha wa zamani wa Yanga Mwinyi Zahera aliibua mjadala kuhusu Djuma akidai hayuko kwenye kiwango bora baada ya kuongezeka uzito
Prof Gueldich amesema Djuma hakuongezeka uzito bali amepungua kulingana na uzito aliokuwa nao msimu uliopita
"Huyo anayesema ameongezeka uzito ni nani? Djuma yuko katika uzito muafaka wa mwili wake (kilo 73-75) tena bora kushinda msimu uliopita"
"Wangesema hivyo msimu uliopita ningewaelewa lakini sio sasa. Inawezekana kuna sababu ambazo zimemfanya Djuma kutokuwa bora uwanjani, lakini mimi kama mtu ambaye nasimamia mazoezi yao hilo naona sio sahihi"
"Huyu ni mmoja kati ya wachezaji waliocheza mfululizo sana hapa kwa rekodi nilizonazo, kuna wakati mchezaji anaweza kupungua ubora nafikiri hii ni changamoto ambayo Djuma anaipitia kwa sasa, " Gueldich alinukuliwa na gazeti la Mwanaspoti
Djuma hakujumuishwa kwenye kikosi kilichosafiri Tunisia akisumbuliwa na majeraha ya nyama za paja
