Baada ya kulazimishwa sare ya bao 1-1 ya watani zao Simba katika mchezo wa ligi kuu uliopigwa uwanja wa Benjamin Mkapa siku ya Jumapili, kikosi cha Yanga kimerejea mazoezini kukamilisha maandalizi kuelekea mchezo dhidi ya KMC
Kesho Jumatano Yanga itarudi uwanja wa Benjamin Mkapa kuumana na KMC katika mchezo utakaopigwa kuanzia saa 11 jioni
Afisa Habari wa Yanga Ali Kamwe amesema msimu huu ligi ni ngumu hivyo wanapaswa kufanya vizuri katika kila mchezo
Licha ya changamoto ya ratiba, Kamwe amesema wamejipanga kushinda mchezo dhidi ya KMC pamoja na mchezo utakaofuata dhidi ya Geita Gold ambao utapigwa Oktoba 29 katika uwanja wa CCM Kirumba, Mwanza
Mchezo dhidi ya KMC ni muhimu sana kwa kocha Nasreddine Nabi kuhakikisha timu yake inavuna alama zote tatu
Yanga imecheza dakika 270 pasipo kushinda. Ilitoka sare na kupoteza dhidi ya Al Hilal na juzi kutoka sare na Simba
