Baada ya tambo za hapa na pale kwa takribani wiki nzima, hatimaye ile siku ya HUKUMU imewadia
Ni mtanange wa watani wa jadi kati ya Yanga dhidi ya Simba ambao utapigwa uwanja wa Benjamin Mkapa saa 11 jioni
Mchezo wa ligi kuu ya NBC, matokeo ya mchezo huo yataamua nani anaendelea kubaki kileleni mwa msimamo wa ligi timu zote zikiwa na alama 13 Simba ikiwa juu ya msimamo kwa tofauti ya mabao tu
Huu ni mchezo muhimu sana kwa Yanga ili kurejesha furaha ya mashabiki wake baada ya kuondoshwa kwenye michuano ya ligi ya mabingwa
Takwimu zimeendelea kuibeba Yanga ikiwa na rekodi nzuri dhidi ya watani zake katika michezo ya karibu ambapo katika michezo mitano iliyopita Yanga imeshinda mitatu na kutoka sare michezo miwili
Hata hivyo katika mechi za dabi, takwimu pekee hazitoshi kuihakikishia timu ushindi bali zinaweza kuwa chachu kwa timu kupambana ili kupata matokeo
Yanga itaingia kwenye mchezo huo ikiwa na uhakika wa kumkosa mchezaji mmoja Bernard Morrison anayetumikia adhabu ya kufungiwa mechi tatu
Kiungo Salum Abubakar 'Sure Boy' naye yuko kwenye hatihati akiwa amerejea mazoezini siku chache zilizopita akitoka kuugua malaria
Ari na morali ya wachezaji wa Yanga iko juu kuelekea mchezo huo wakiwa na matumaini makubwa ya kupata ushindi
Kila la kheri Wananchi....!
