Afisa Habari wa Yanga Ali Kamwe amesema mashabiki wa Yanga wamemis 'kutetema' hivyo wanaisubiri kwa hamu siku ya Jumapili kupata burudani hiyo kutoka kwa timu yao
Jumapili Oktoba 23 Yanga itakuwa mwenyeji wa Simba katika mchezo wa ligi kuu ambao utapigwa uwanja wa Benjamin Mkapa, saa 11 jioni
Kamwe amesema matokeo mazuri dhidi ya Simba yanatokana na maandalizi, ubora wa kikosi chao na pia kwao ni furaha kupata ushindi dhidi ya Simba
"Kuwa mteja sio kwamba mtu anataka, unalazimishwa kuwa mteja. Simba ni mteja wetu. Tumemiss kutetema, mabega yanauma. Sisi kiukweli kabisa tunafurahi kuifunga Simba Tunasikia raha kumfunga Simba," alitamba Kamwe
Mara ya mwisho Yanga ilipokutana na Simba katika mchezo wa Ngao ya jamii, Wananchi waliubuka na ushindi wa mabao 2-1 ambayo yote yalifungwa na Fiston Mayele
Mayele anatarajiwa kuwaongoza Wananchi siku ya Jumapili katika mchezo mwingine ambao Yanga inahitaji ushindi
