Yanga kuifuata Al Hilal Jumamosi

Msafara wa kikosi cha Yanga utaondoka nchini siku ya Jumamosi kuelekea Sudan kwa ajili ya mchezo wa marudiano ligi ya mabingwa dhidi ya Al Hilal

Mchezo huo utapigwa Jumapili, Oktoba 16 saa mbili usiku kwa saa za Tanzania ambapo Sudan itakuwa saa moja usiku

Rais wa Yanga Injinia Hersi Said amesema timu itakamilisha maandalizi hapa tayari kwenda kusaka matokeo ya ushindi ugenini

Katika hatua nyingine, Injinia Hersi amekanusha tetesi zinazodai kuwa uongozi wa Yanga umempa kocha Nasreddine Nabi mechi mbili

Hersi amesema uzushi huo upuuzwe, uongozi una imani na Nabi na wana matumaini makubwa ya kufanya vizuri kwenye mchezo dhidi ya Al Hilal siku ya Jumapili